Geguritan Djawi: "Balimu"

Tumetesing weluh kasireping mata

Tur lumaku njlajahing aluse pipi

Sanadyan ora dak usap marang limaning driji

Nanging angete bisa nyamber saking mriki

Sulak ulaping srengenge

Banjur mandhap saking singgahsana sore

Lumampahing dina kang ngitungi awake dhewe

Tansah ngopeni sepine mbale

Duh Gusti

Lambeyan janur kupat sampun kangawe-awe

Dhateng pundi malih kula kedah nggoleki

Jarene mung 8 sasi, nanging saniki wonten pundi?

Kang mas, lemah telese saniki wus nelo

Memayu tetesing udan ngrantos panjenengan teka

Delengen kang mas, sasi pasa saniki ameh bada

Lan rasa kapang niki kanthi tumrape ilanging nyawa

Bojonegoro, 6 Oktober 2016

Panggurit: Mona Widya Anggraini